كتب / الزجال الزعري لحسن الحاضي 

أنا زجال أنا ماشي مناضل

أنا ماشي مناضل…
وعمري ما ݣلت … على راسي زجال.
أنا وطني … خودو مني القليل
را فهامتي…. على قد الحال ….
أنا غير مواطن… مغربي قح …
مغربي بير …وحالي حال وأحوال.
أنا ملَكِي أنا وطني …وحب الوطن..
ساكن في الݣلب… ومعشش في البال .
و الرايا حمرا …والنجمة خضرة…
الوطن في عيني ..ݣمرة وهلال.
أنا حبي لبلادي… معايا مخلوق
وعزة نفسي… في أرض الرجال.
أرض الشرفة أرض الأحرار …أرض الصربة ..
ربات لأجيال
الوطنية في عيني.. كبر مالعمر
. وحبي لبلادي..علمني نصبر .
الوطنية في عيني …ماشي قصيدة
كتبها زجال… مݣابل البحر
الوطنية تضحية …بالنفس وبالمال
أنا مواطن حبي لبلادي… ما نساوم عليه …بجاه ولا مال
عمري ما ݣلت أنا شاعر…
عمري ما ݣلت…. على راسي زجال
أنا ملكي …والوطنية في الدم…. فعل وأقوال
ماشي جلابة… ولاطربوش حمر.
وحبي لبلادي …علمني نصبر
الوطنية يابنادم حكمة… ماشي شعار…..
محفوض في الصدر .
الوطنية حليب رضعناه في الصغر
وإيمان بتربة ورمال..
الوطنية حب من عند الله… ما عليه كلام
الوطن حق مْقدس… محزم بالصبر.
الوطنية من عند الله ..لمليكنا الحبيب….
بالعز والنصر
شريف ولد الشرفة… عفيف.
الوطنية.. متعرف بصير …متعرف كفيف
ماشي مال و سلطة …الوطنية تكليف يابنادم ماشي تشريف
قصيدة أنا وطني أنا ملكي.
لحسن الحاضي زجال القضية