كتب / الشاعرة والزجالة ذة فاطمة الغيناوي 

مالك يا ليام

طلقت الزمام
ؤ خليت سماك الصافية
غطاها لغيام
كل واحد يلغي بلغاه
كثرلكلام
ؤ غير جيب افم ؤ ݣول
طوال اللسان
ؤ غلبت لكذوب عل المعقول
ؤ الهضرة ولات موال
في الزناقي كثرت لحلاقي
دخلوا ل جدبة

باش برروا الكذبة
مشات الهدنة
ؤ قامت الفثنة
من القش بناوا قصور
ؤ تنكروا. ل معمور
خاوي الدراع
على جماتو عوال
سمح ف الفاس
ؤ سرق المعوال
اشكون المسؤول
بلارج عاجبواد راسو
بغي يتفطح ݣدام ناسو
جا يقلد مشية النعمة
جات عجاجة عماتو
انس النعمة
ؤ نسى مشيتو
الطيور الجيعانة
عليه تجمعت
ضنوه راس لقبيلة
شافوا كرشو شبعانة
ݣالو ا الزردة ف دار لهبيلة
لقاوا الميت فار
ؤ لمندبة كبيرة
الطمع عماهم
صبحوا خونة
ؤ سلامتهم قليلة .
ليام شدت الزمام
ؤ تقاض لكلام
والله يعز لحكام .